دردشة ومنتديات دموع الورد
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه وان كنت عضو الرجاء ادخال حسابك



 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 في عيد الأم فطار ست الكل من صنع إيديكي

اذهب الى الأسفل 
كاتب الموضوعرسالة
تميمة
مـ،،ـشـ عـــ،،ـام ـ،،ـرف
مـ،،ـشـ عـــ،،ـام ـ،،ـرف
avatar

انثى عدد الرسائل : 395
العمر : 35
بلاد الاعضاء :
المهن :
السٌّمعَة : 3
نقاط : 446
تاريخ التسجيل : 27/08/2008

مُساهمةموضوع: في عيد الأم فطار ست الكل من صنع إيديكي   الجمعة مارس 20, 2009 4:56 pm

[size=16]الحمد لله عيد الأم السنة دي جاي يوم السبت وأكيد طبعا كلنا بلا استثناء عندنا إجازة اليوم ده
طيب إيه رأيك لما تنتهزي الفرصة دي وتريحي ماما اليوم ده وتعملي لها أنت كل حاجة بإيدك؟!
طبعا هتقولي إنك نفسك فعلا تعملي كده بس للأسف ما بتعرفيش تعملي حاجة في البيت؟!
ولا يهمك إحنا هنديكِ خطة ممكن تمشي عليها وتعملي كل حاجة بنفسك
نشوف مع بعض
فطار ست الكل توست بالبيض

دي أول حاجة هتعمليها الصبح أول ما تصحي من النوم وياريت تصحي بدري في
اليوم ده شوية قبل ست الكل ما تقوم من النوم وتجهزي لها صينية الفطار
وتاخدي صينية الفطار وتوديها لغاية ماما علشان تفطر النهارده على
السرير....

ويا سلام بقى لو كان الفطار ده شكله جديد هيبقى أحلى وأحلى....علشان كده هنقولك دلوقتي على طريقة جديدة لعمل التوست بالبيض..
المقادير:
• 5 بيضات.
• 5 قطع توست.
• معلقة ملح وفلفل.
• فلفل أخضر مقطع قطعا صغيرة جدا.
• قالب كيك صغير على شكل قلب.
• كوب صغير زبدة.
الطريقة :
هاتِ التوست وقطعيه من المنتصف باستخدام قالب الكيك الصغير اللي على شكل
قلب....ادهني التوست بالزبدة وهاتِ صينية فرن صغيرة وحطي فيها التوست وبعد
كده هاتِ البيض واكسريه في طبق وبعد كده حطي كل بيضة في الفراغ الموجود
داخل التوست بحيث إن كل قطعة توست يكون فيها بيضة بعد كده رشي عليه ملح
وفلفل وقطع الفلفل الأخضر، دخلي الصينية في الفرن لمدة 5 دقائق وبعد كده
خرجيها، على فكرة ممكن تحطي مع صينية الفطار دي طبق فول وطبق مربي وأي نوع
جبنة تكون مامتك بتحبه واوعي تنسي كوباية الشاي باللبن.
وبألف هنا وشفا
عصير ست الكل فراولة بالكيوي

إيه رأيك على الظهر كده أثناء ما بتعملي الغداء إنك تعملي كوباية عصير
فراولة بالكيوي وتاخديه لغاية عندها وهي قاعدة بتتفرج على التليفزيون ودي
الطريقة.. المقادير:
• 3 ثمرات كيوي .
• ربع كيلو فراولة.
• عصير ليمون (ليمونة واحدة).
• كوب مياه.
• نص كوب سكر.
• قطع فراولة للتزيين.
الطريقة:

هاتِ الكيوي وقشريه وبعد كده قطعيه قطعا صغيرة وبعد كده قطعي
الفراولة...حطي الفراولة والكيوي في الخلاط وضيفي إليهم السكر والمياه
وعصير الليمون واضربيهم مع بعض في الخلاط بعد كده صبي العصير في كوباية
العصير وزيني الكوباية بقطع الفراولة.
وبألف هنا وشفا
غداء ست الكل كامل ومتكامل

وعلشان تثبتي لست الكل إنك فعلا كبرتي وبقيتي ست بيت شاطرة إيه رأيك لما
تجهزي لها الغداء بنفسك ويا سلام بقى لو كان الغداء ده كامل وشامل "طبق
السلطة+طبق الشوربة+الطبق الرئيسي" أعتقد إنها هتكون مبسوطة بيكِ أوي...

طبق شوربة لسان عصفور بقطع اللحم المسلوق
المقادير:

• كيس مكرونة لسان عصفور.
• 3 حبات مستكه.
• 3 حبات حبهان.
• نص مكعب مرقة الدجاج.
• كزبرة ناعمة.
• معلقة كبيرة زبدة أو زيت حسب الرغبة.
• 4 أكواب مياه.
• قطع لحمة مسلوقة.
الطريقة:

هاتِ صينية وحطي فيها الزبدة وحطيها على النار واستني لغاية ما الزبدة
تسخن وبعد كده ضيفي إليها كيس مكرونة اللسان العصفور والكزبرة الناعمة
والمستكة والحبهان مع الاستمرار في التقليب لغاية ما المكرونة لونها يبقى
ذهبي... بعد ما تلاقي إن المكرونة لونها بقى ذهبي ضيفي إليها الشوربة ونص
مكعب مرقة الدجاج وقطع اللحمة... بعد مرور خمس دقائق هدي نار البوتاجاز
وسيبي المكرونة على النار لمدة عشر دقائق كمان أو لغاية ما تستوي وبعد كده
حطيها في طبق الشوربة.

وبألف هنا وشفا
طبق سلطة الفاصوليا البيضاء
المقادير:

• كوب كبير فاصوليا بيضاء.
• عصير ليمونة.
• معلقة صغيرة خل أبيض مضاف إليها 2 معلقة ماء.
• 2 معلقة كبيرة زيت زيتون.
• 2 فص ثوم مطحون.
• ملح وفلفل أسود.
• نص حزمة بقدونس مقطعة قطعا صغيرة "للتزيين"
• جزرة مبشورة. الطريقة:
انقعي الفاصوليا البيضاء في الميه لمدة ساعة وبعد كده اسلقيها كويس...بعد
كده اشطفيها بالميه الباردة وسيبيها في المصفاة علشان تصفي أي ميه فيها...
بعد ما تتأكدي إن الفاصوليا مافيهاش أي ميه هاتِ طبق السلطة وحطي فيه
الفاصوليا وبعد كده هاتِ طبق تاني وحطي فيه عصير الليمون والخل وزيت
الزيتون والثوم والملح والفلفل وقلبيهم مع بعض وبعد كده ضيفي الخليط
السابق للفاصوليا وضيفي إليهم الجزر المبشور وقلبيهم كلهم مع بعض وبعد كده
ضيفي إليهم البقدونس.
وبألف هنا وشفا
الطبق الرئيسي
صينية الفراخ على الطريقة المكسيكية
ولأنك مالكيش بركة غير ست الحبايب فإيه رأيك لما تعملي لها أكلة جديدة وهي "الفراخ على الطريقة المكسيكية..
المقادير:
• 2 كيلو صدور فراخ.
• حبة فلفل أصفر.
• حبة فلفل أخضر.
• حبة فلفل أحمر.
• بصلة متوسطة الحجم.
• حبة طماطم مقطعة قطعا صغيرة.
• حبة كوسة.
• معلقة كبيرة زيت ذرة.
• معلقة كبيرة زبدة.
• نص كوب دقيق.
• 3 كوبايات لبن حليب.
• ملح وفلفل.
• بيضة مخفوقة بالملح والفلفل.
• بصلة مقطعة قطعا صغيرة.
الطريقة:
هاتِ صدور الفراخ واغسليها وقطعيها قطعا متوسطة الحجم وبعد كده حطيها في
طبق كبير وضيفي إليها البصل والملح والفلفل وسيبيها لمدة ساعتين علشان
تتبل كويس.
أثناء ما الفراخ بتتبل هاتِ الكوسة والفلفل الملون اللي عندك وقطعيهم على
شكل عيدان، هاتِ البصل وقطعيه على شكل عيدان صغيرة تشبه عيدان الكوسة
والفلفل الملون.
سخني الزيت في طاسة على نار هادية وبعد كده ضيفي إليه البصل مع استمرار
التقليب لغاية ما البصل لونه يبقى ذهبي، ضيفي إليه الفلفل الملون وقلبيهم
مع بعض لمدة 5 دقائق...وبعد كده ضيفي إليهم الكوسة وقلبيهم مع بعض لمدة 5
دقائق أخرى وبعد كده ضيفي إليهم الطماطم وسيبيهم على النار لمدة 5 دقائق
كمان مع استمرار التقليب.
بعد كده ابدئي في عمل البشاميل عن طريق إنك تحمري الدقيق في الزبدة لغاية
لونه ما يبقى ذهبي وبعد كده ضيفي إليه اللبن بالتدريج مع التقليب المستمر
علشان الدقيق ما يكلكعش منك...وسيبيه على النار لمدة خمس دقائق أو لغاية
ما تلاقي إن الخليط بقى أملس بعد كده ضيفي الملح والفلفل وسيبيه لغاية ما
يغلي لمدة 5 دقائق.
سخني الفرن على درجة حرارة متوسطة، وادهني صينية الفرن بالزيت أو بالسمن
وهاتِ الفراخ وشيلي منها البصل وحطي الفراخ في الصينية وبعد كده الخضراوات
والملح و الفلفل ومن فوقهم حطي البشاميل ومن فوق البشاميل رشي البيضة
المخفوقة...دخلي الصينية في الفرن لمدة نص ساعة أو لغاية لونها ما يبقى
ذهبي خرجيها وقطعيها.
وبألف هنا وشفا
طبق الحلو لست الكل
تورتة الكريم كراميل

إيه رأيك في الوقت اللي صينية الفراخ فيه في الفرن تبدئي في عمل طبق حلو
علشان تقدميه لست الكل بالليل وأنتم قاعدين...أنا عارفة إنك هتقولي إنك
تعبتي من عمل الغداء بس ماتخافيش طبق الحلو اللي هقولك عليه مش هياخد منك
وقت خالص ولا مجهود...
المقادير:
• 4 باكو كريم كراميل.
• 2 كيلو لبن.
• شرائح فراولة للتزيين"اختياري"
الطريقة:
جهزي صينية بايركس مدورة...اغلي اللبن وبعدين دوبي الكريم كراميل فيه كويس
قوي وسيبيهم على النار لغاية ما يغلوا مع بعض، مع استمرار التقليب علشان
مفيش حاجة تكلكع منك بعد كده اطفي البوتاجاز...هاتِ الصينية البايركس
وادهنيها بالكراميل اللي "هتلاقيه في الباكوات" بعد كده صبي الخليط في
الصينية...واستني عشر دقائق وبعد كده حطيه في الثلاجة لغاية لما يجمد...
بعد كده طلعيه وقلبيه في طبق التقديم وممكن تزيني تورتة الكريم كراميل
بشرائح الفراولة.
وبألف هنا وشفا
سبت لهدايا عيد الأم

بعد ما خلصتي عمل الغداء وطبق الحلو إيه رأيك لما تدخلي أوضتك وتقفلي على
نفسك الباب لمدة ربع ساعة علشان تعملي لماما مفأجاة حلوة...وهي إنك تعملي
سبت هدايا علشان تجمعي فيه كل الهدايا اللي جبتيها أنت وإخواتك بحيث أنكم
تقدموا الهدايا دي كلها مع بعض في وقت واحد بدل ما كل واحد يديها الهدية
لوحده، وعلى فكرة السبت ده ممكن مامتك تستخدمه بعد كده في أنها تحط فيه أي
حاجة عندها.

كل اللي هتحتاجي إليه:
• سبت ورد قديم.
• قطعة قماش ستان سادة أو تل.
• شريط ستان ملون رفيع.
• زرار قديم أو أي قطعة إكسسوار
• صمغ.
الطريقة:
دي مفيش أبسط منها كل اللي هتعمليه إنك هتقصي القماش اللي عندك على قد حجم
السبت من جوه ومن بره وهتبتدي تلزقيه عليه...بعد كده هتجيبي الشريط الملون
وتلزقيه على إيد السبت، وممكن في النهاية تعملي شكل وردة أو شكل زي اللي
موجود في الصورة وتلزقي في النص زرار أو أي قطعة إكسسوار قديمة عندك...بعد
كده تجمعي كل الهدايا اللي عندك في البيت وتحطيها فيه.
بس كده.... خلاص خلص عددنا المرة دي
ويا رب تكون الأفكار اللي اتكلمنا عنها في العدد مفيدة فعلا

ولو عندكم أفكار تانية ابعتوا وقولولنا عليها بسرعة
وكل سنة وكل أم طيبة..

سلام

[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MaAaLaAaK
مـ،،ـؤسـ،،ـس دمـ،،ـوع الـ،،ـورد
مـ،،ـؤسـ،،ـس دمـ،،ـوع الـ،،ـورد
avatar

انثى عدد الرسائل : 696
المهن :
السٌّمعَة : 0
نقاط : 641
تاريخ التسجيل : 22/07/2008

مُساهمةموضوع: رد: في عيد الأم فطار ست الكل من صنع إيديكي   الجمعة مارس 20, 2009 10:42 pm

تسلمى تميمه كتير بس جوعتينى ههههههههههههههههههه بجد موضوع جميل تسلمى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
memo
مـ،،ـؤسـ،،ـس دمـ،،ـوع الـ،،ـورد
مـ،،ـؤسـ،،ـس دمـ،،ـوع الـ،،ـورد
avatar

ذكر عدد الرسائل : 541
العمر : 28
بلاد الاعضاء :
المهن :
السٌّمعَة : 0
نقاط : 491
تاريخ التسجيل : 14/03/2009

مُساهمةموضوع: رد: في عيد الأم فطار ست الكل من صنع إيديكي   السبت مارس 21, 2009 3:04 am

تسلمى تميمه على الموضوع الجميل بس كده انتى جوعتى ملاك
هنأكلها ازاى دلوقتى
هههههههههههههههههههههههه
شكرا على الموضوع تميمه

_________________
سنين وأنا بحلم أبقى معاك سنين من عمري بستنـــاك .......
ولــما يا حبيبي شفــت عنيـــــــك بقيت يا حبيبي ملك أديـــك...


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تميمة
مـ،،ـشـ عـــ،،ـام ـ،،ـرف
مـ،،ـشـ عـــ،،ـام ـ،،ـرف
avatar

انثى عدد الرسائل : 395
العمر : 35
بلاد الاعضاء :
المهن :
السٌّمعَة : 3
نقاط : 446
تاريخ التسجيل : 27/08/2008

مُساهمةموضوع: رد: في عيد الأم فطار ست الكل من صنع إيديكي   الأربعاء أبريل 22, 2009 11:10 am

ملاك تسلمي ياقمر علي المرور

ماكان قصدي اجوعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
في عيد الأم فطار ست الكل من صنع إيديكي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دردشة ومنتديات دموع الورد  :: اللاسره :: المطبخ-
انتقل الى: